أشم عطرك بمنديل ٍ سرقته دون لا تدرين

[ابوصخرالمصعبي]

تعالي لعنبو ظرف ٍ وقف من دون لا تاتين
تعالي كم أنا مشتاق أضمك يا بعد عيني


صحيح ان الزمن دوار وصحيح الوقت هذا دين
عقب ذاك اللقا الحين وين انتي وأنا ويني


ألا يا سيدة جرحي عسى ما به حزن تشكين
وعسى ما للفراق جروح تهزك يوم تطريني


ألا يا عز من مر الخفوق وشافته هالعين
على عهد الهوى باقي ولو خانت بي سنيني


ل جل عينك همل دمعي مثل منتي علي تبكين
وابد ما وسوست نفسي وقلت انك نسيتيني


أعرفك زين ياعمري مثل عطر المسا توفين
بخيله حيل بحضروك ولكنك تحبيني


صحيح الوقت قفابك وعلمي في لقاك سنين
ولكن طيفك بدمي جرى بأقصى شراييني


أشم عطرك بمنديل ٍ سرقته دون لا تدرين
أحسك فيه وأنا ادري اذا حسك تحسيني


أضم سلسالك بيدي وأقول انت ٍ يا عمري وين
وانا ادري في كنف غيري سكنتي لوعشقتيني


أناظر صورتك وادري عليها منكتب حرفين
وانا اذكر كم قلتيلي أمانه يوم تعطيني


أناظرها في كل ليله من فراقك إلا هالحين
وأقول الله يجمعنا وانا ادري وينك ويني


أمانه وان مرق طيفي على بالك فلا تبكين
وابد لا ياخذك هم ٍ سكن من غيبتك فيني


قدر مكتوب والدنيا مثل ما قلتلك هي دين
وحان اللحين ياعمري نوفي دينك وديني
م/ن
اخوكم ابو صخر المصعبي

[المهاجرالطاهري]

أناظرها في كل ليله من فراقك إلا هالحين
وأقول الله يجمعنا وانا ادري وينك ويني


أمانه وان مرق طيفي على بالك فلا تبكين
وابد لا ياخذك هم ٍ سكن من غيبتك فيني
صح لسان الشاعر
ومشكور بوصخر على الابيات الرائعة

[بوهزاع المصعبي]

تسلم يمناك يا بو صخر على الابيات الرائعه

وننتظر جديدك

[(( نيـــاف ))]

يا سلام عليك ابيات في قمة الجمال

تسلم يمينك لا عدمناك ,:"


تقبل مروري.:"

[حرميه مزيونه]

فى قمه الروعه والذوق
شكرا اخوي على الطرح لاغاوي
تقبلوو مروري
اختكم الضغيروونه

[بروق السحايب]

ألا يا عز من مر الخفوق وشافته هالعين
على عهد الهوى باقي ولو خانت بي سنيني
.................................................. .
ابيات في غاية الروعه والجماااااالa7:a7:

تسلم يمينك يا ابوصخر وعساك دوووم ع القوه