بليق
27-08-2011, 10:27 AM
هواجس ٍ في البال مرّت وأنا أخوك=منها جفا حلو الكرى نون عيني
كنها على قلبي كما دك داكوك=عيّت تخف الدك وعيا يليني
تشبه حروب القادسية وكركوك=يوم التقى كسرى مع المسلميني
ومهما تزيد القلب ماهوب مربوك=طبعه قوي الباس عزمه متيني
ومانا بمتشايم وخايف ومضنوك=متوكل ٍ بالله عليم الكنيني
هو خالقي هو رازقي مالك ملوك=لا قلت له ياالله طلبتك تعيني
لبّا لي المطلوب ما أمسيت متروك=أناظر الدنيا وحالي يشيني
من بعد ماريت أشقر الريش مشبوك=وذيب الخلاء بين الحدايد سجيني
وقد كان صقر الجو فالجو مفكوك=وذيب الغداري فالصحاري يبيني
واليوم صقر الجو للناس مملوك=والذيب مايطرى على السامريني
اتبدلت الأيام ياخوك ياخوك=وانت انظر بعينك وانا انظر بعيني
دنيا تقلّب مالها درب مسلوك=ايامها وأحوالها متقلبيني
رديانها فيها لهم مال وصكوك=هدية ٍ جتهم وهم قاعديني
وأجوادها تفرش لهم قاعها شوك=يمشون فوق أشواكها صابريني
واللاش بابه دون الاجواد مصكوك=والجيد بيته مدهل ٍ للطيبيني
الجيد يهنا الزاد والضيف مشروك=واللاش وجهه للعرب مايليني
هذا كريم ومعدنه تبر مفروك=وهذاك لا والله شوايب وطيني
والناس تعرفها متى صرت مضكوك=تعرف اصيل القوم واللي هجيني
أجوادها يبدون مافيهم شكوك=وأنذالها في ضيقتك ماتبيني
والعز ماياتي ولاهوب مدروك=الا لمن يبذل عليه الثميني
ياطالبه لا تحسبه هرج وحسوك=عاد العدا جيشه يبا صامليني
لابد ماتدي الخصومه ويدوك=من صرف أبوكرار روسي وصيني
قوت الحروبه من كله بات مفتوك=وانت وعدّوك فيه متخاشريني
ليله ولد عمك وليله بها أخوك=تحت الثرى يدفن وتمسي حزيني
وكم حصن من وقع المعادين مدكوك=وكم حصن منه أعداه متهايبيني
الحصن من فعلك بالأعداء فلا جوك=يبين ساسه هش ولا مكيني
وأمجاد عصر الجد وعمك مع أبوك=ماهيب لك ذا مجدهم الأوليني
تكرم لحاهم في العلا يوم حطوك=ويكرم نباهم كل ساعه وحيني
اصنع لنفسك مجد والناس يطروك=الحاضرين اليوم واللاحقيني
وإن كان مالك مجد لاشك ينسوك=في صفحة التاريخ ذي كاتبيني
وأصحابك اصحابك ولو يوم خلوك=مايعذرك من لومها العاذريني
لا ترتضي فيهم ولو كان يشنوك=وعندك فرجهم لأصبحوا حانبيني
افزع مع الأصحاب في يوم زاحوك=وبكره تلاقيهم معك فازعيني
وان بعتهم في ضيقهم يوم يدعوك=بكره بلا شك إنهم بايعيني
وحذرا تصدق فالصحب هرج مشكوك=بعض الهروج أصحابها حاسديني
أصحابها لو يوم فالهرج غشوك=إدر انهم وأعداك متحالفيني
والقصد شق الصف من شان يلقوك=وحدك ولا تقدر على الطامعيني
ذا بعض ما لاج المحاني وأنا اخوك=ياذيبها سرحان خلّك فطيني
وصية ٍ والقاف مبني ومحبوك=من عند أبونشمي سلاح اليميني
كنها على قلبي كما دك داكوك=عيّت تخف الدك وعيا يليني
تشبه حروب القادسية وكركوك=يوم التقى كسرى مع المسلميني
ومهما تزيد القلب ماهوب مربوك=طبعه قوي الباس عزمه متيني
ومانا بمتشايم وخايف ومضنوك=متوكل ٍ بالله عليم الكنيني
هو خالقي هو رازقي مالك ملوك=لا قلت له ياالله طلبتك تعيني
لبّا لي المطلوب ما أمسيت متروك=أناظر الدنيا وحالي يشيني
من بعد ماريت أشقر الريش مشبوك=وذيب الخلاء بين الحدايد سجيني
وقد كان صقر الجو فالجو مفكوك=وذيب الغداري فالصحاري يبيني
واليوم صقر الجو للناس مملوك=والذيب مايطرى على السامريني
اتبدلت الأيام ياخوك ياخوك=وانت انظر بعينك وانا انظر بعيني
دنيا تقلّب مالها درب مسلوك=ايامها وأحوالها متقلبيني
رديانها فيها لهم مال وصكوك=هدية ٍ جتهم وهم قاعديني
وأجوادها تفرش لهم قاعها شوك=يمشون فوق أشواكها صابريني
واللاش بابه دون الاجواد مصكوك=والجيد بيته مدهل ٍ للطيبيني
الجيد يهنا الزاد والضيف مشروك=واللاش وجهه للعرب مايليني
هذا كريم ومعدنه تبر مفروك=وهذاك لا والله شوايب وطيني
والناس تعرفها متى صرت مضكوك=تعرف اصيل القوم واللي هجيني
أجوادها يبدون مافيهم شكوك=وأنذالها في ضيقتك ماتبيني
والعز ماياتي ولاهوب مدروك=الا لمن يبذل عليه الثميني
ياطالبه لا تحسبه هرج وحسوك=عاد العدا جيشه يبا صامليني
لابد ماتدي الخصومه ويدوك=من صرف أبوكرار روسي وصيني
قوت الحروبه من كله بات مفتوك=وانت وعدّوك فيه متخاشريني
ليله ولد عمك وليله بها أخوك=تحت الثرى يدفن وتمسي حزيني
وكم حصن من وقع المعادين مدكوك=وكم حصن منه أعداه متهايبيني
الحصن من فعلك بالأعداء فلا جوك=يبين ساسه هش ولا مكيني
وأمجاد عصر الجد وعمك مع أبوك=ماهيب لك ذا مجدهم الأوليني
تكرم لحاهم في العلا يوم حطوك=ويكرم نباهم كل ساعه وحيني
اصنع لنفسك مجد والناس يطروك=الحاضرين اليوم واللاحقيني
وإن كان مالك مجد لاشك ينسوك=في صفحة التاريخ ذي كاتبيني
وأصحابك اصحابك ولو يوم خلوك=مايعذرك من لومها العاذريني
لا ترتضي فيهم ولو كان يشنوك=وعندك فرجهم لأصبحوا حانبيني
افزع مع الأصحاب في يوم زاحوك=وبكره تلاقيهم معك فازعيني
وان بعتهم في ضيقهم يوم يدعوك=بكره بلا شك إنهم بايعيني
وحذرا تصدق فالصحب هرج مشكوك=بعض الهروج أصحابها حاسديني
أصحابها لو يوم فالهرج غشوك=إدر انهم وأعداك متحالفيني
والقصد شق الصف من شان يلقوك=وحدك ولا تقدر على الطامعيني
ذا بعض ما لاج المحاني وأنا اخوك=ياذيبها سرحان خلّك فطيني
وصية ٍ والقاف مبني ومحبوك=من عند أبونشمي سلاح اليميني