المساعد الشخصي الرقمي

مشاهدة النسخة كاملة : الجـرح يكبـر معـي والنـاس مشغـولـه

ابوصخرالمصعبي
04-01-2009, 05:14 PM
بسم الله الرحمن الرحيم

السلام عليكم ورحمة الله وبركاته

الجرح يكبر معي والناس مشغوله!!
والي أبيهم مشو واحد ورا الثاني

الليل ياطولها والدرب ياطوله
واللي ورايه أحس أنه تعداني!!

الوقت لامن تغير هذي فعوله
إما لعب لعبته*.*وإلا تحداني

أبواب إمقفله::ودروب مجهوله
وإذا تبي كل حاجه(لازم تعاني)

كلاااام ابقوله لكن..مقدر أقوله!
أشياء في خاطري توقف على لساني

غلطه ومن صاحبي وأقول مقبوله
مره علشانه ومره على شانـي

والمشكله لو تطول شوي محلوله
عشان مايشمت القاصي ولا الداني

تكفون وانتم اليا..جيتوه قولوا له؟؟
إني (أعزه كثر معزة اخواني)

معقوله ينساني؟؟ لا ماهي بمعقوله
حتى الشعر وقتها ماراح ينساني

فله حجاج.. وقصيد وصوله..وجوله
يعني متى ماتذكر شي يلقاني::!!

ماشلت هم الشكوك الدايره حوله
والا الخوي لاتردى قلت يفداني

مرات احس اني حاكم تنقصه دوله!!
ومرات مدري من اللي ينقص الثاني!!!


الشاعر صالح العجي

اخوكم ابو صخر المصعبيa6:
المهاجرالطاهري
04-01-2009, 06:56 PM
الوقت لامن تغير هذي فعوله
إما لعب لعبته*.*وإلا تحداني

صح اللة لسان اشاعر
ومشكور بوصخر على النقل الجميل
((القلم الحر))
04-01-2009, 11:21 PM
مرات احس اني حاكم تنقصه دوله!!
ومرات مدري من اللي ينقص الثاني!!!

ماقصرت يابو صخر تسلم يمناك ويسلم قائل القصيده
بوهزاع المصعبي
04-01-2009, 11:27 PM
مرات احس اني حاكم تنقصه دوله!!
ومرات مدري من اللي ينقص الثاني!!!



صح لسان الشاعر وبيض وجهه

وسلمت يمناك يا بو صخر على القصيده الرائعه

وننتظر المزيد
بليق
07-01-2009, 10:40 AM
فله حجاج.. وقصيد وصوله..وجوله
يعني متى ماتذكر شي يلقاني:

ماشلت هم الشكوك الدايره حوله
والا الخوي لاتردى قلت يفداني


صح لسان الشاعر وشكرا على النقل