يا بنت انا لاغبت ماهو من الضيق==خلي علوم اهل الهروج الكذوبة

[المهندس]

قصيدة اعجبتني فاحببت نقلها لكم




يآبنت أنا لآغبت ما هو من الضيق ..
خلّي علوم آهل الهروج الكذوبـه ..


في لآزمي والله ولّي المخاليـق ..
والرجل فاللآزم يكمـل دروبـه ..


العمر فرصه والليآلـي توافيـق ..
والوقت يجري والسنين محسوبه ..


رجلٍ يبي يرقى لروس الشوآهيق ..
ما قآل عن درب المكآسيب توبه ..


يثبت .. ولآ منه رسى كنه طويق..
ويعلّي البنيـان طوبـه وطوبـه ..


ترى قلوب الناس مثل الصناديق ..
مفتاحها هرج اللسان إن حكوبـه ..


لو باحت صدور الرجال المغاليق..
أسرارها صارت عليهم عقوبـه ..


كم . واحدٍ يصبرعلى نشفة الريق ..
مـن شيمتـه رفاقتـه مادروبـه ..


يدري خماله عن هروج المطآفيق ..
والآدمي مايستـره غيـر ثوبـه ..


والشعر يآبنت النشآمـا موآثيـق ..
سمعه وقيمه وأبتكـار وعذوبـه ..


وأنا قصيدي مادخل بـه تلافيـق..
أنقآه عن درب الخطا والمعوبـه ..


لو إنّي أبحث عن قصيد العشآشيق..
حطيت لي في كل دآر محبوبـه ..


لكني أبحث عن جزآل الطواريق ..
أم المعانـي حبكهـا بالصعوبـه ..


شومي قصيد مدوريـن الغرآنيـق..
وأخذي قصيد اللي ربوعه هقوبه ..


كلمة ولاتحتـاج شـرحٍ وتعليـق..
والعلم ما ينعـاد عشريـن نوبـه ..


إن كآن عيبي خوتـي للمطاليـق ..
تراى رجلٍ يفتخر فـي عيوبـه ..!
..

[النادر المصعبي]

إن كآن عيبي خوتـي للمطاليـق ..
تراى رجلٍ يفتخر فـي عيوبـه ..! البيات حلوه

[قــناص ال فجم]

http://almosaabi.com/vb/mwaextraedit4/extra/108.gif

[الحلم الشاكي]

ترى قلوب الناس مثل الصناديق ..
مفتاحها هرج اللسان إن حكوبـه ..


لو باحت صدور الرجال المغاليق..
أسرارها صارت عليهم عقوبـه ..

قصيدة روعة في الجمال
صح لسانك ولسان شاعرها
مشكور وتقبل مروري المتواضع

[الشاجري]

صح لسانك
اخي المهندس
ويعطيك العافية

[المهندس]

النادر المصعبي
قناص ال فجم
اساير
الشاجري
اسعدني مروركم . ومما يشجعنا على نقل بعض القصائد الجميلة هو ذائقتكم الرائعة واطراءكم الجميل .... دمتم سالمين

[يكرب]

نقل جميل ومشكوووووووووووووووور



دمت بود